.jpeg)
"Заман" дебат клубының мектепте жүргізілуі – оқушылардың сыни ойлау қабілетін, шешендік өнерін және көшбасшылық қасиеттерін дамытуға бағытталған өте тиімді бастама. Бұл клуб аясында оқушылар түрлі өзекті тақырыптарда пікірталас өткізіп, қоғамдағы маңызды мәселелерге көзқарасын білдіруге мүмкіндік алады.Құрамында 30 оқушы бар. Жетекшісі: қосымша білім беру педагогы А.А.Қостанай.
Дебат клубының мақсаты:
• Оқушыларды еркін ойлауға, өз ойын дәлелді түрде жеткізуге үйрету;
• Сыни тұрғыдан ойлауды қалыптастыру;
• Көшбасшылық және топпен жұмыс жасау қабілетін дамыту;
• Қоғамдық белсенділікті арттыру.
Клуб жұмысының форматы:
• Апталық кездесулер: Әр аптада алдын ала таңдалған тақырыптар бойынша дебаттар ұйымдастырылады.
• Дебат түрлері: Парламенттік (Британ немесе Американ стилі), линкольн-дуглас, т.б.
• Оқу-семинарлар: Шешендік өнер, аргументация, фактчекинг және логика бойынша сабақтар өткізіледі.
• Ішкі және сыртқы турнирлер: Мектепішілік жарыстар және басқа мектептер арасындағы турнирлер ұйымдастырылады.
Пайдасы:
• Сабаққа деген қызығушылық артады;
• Тіл байлығы, сөйлеу мәнері жақсарады;
• Оқушылар өзін-өзі дамытуға ұмтылады;
• Болашақта жоғары оқу орындарына түсуге және өмірде өз орнын табуға үлкен септігін тигізеді.
